સૌ પ્રથમ બધી સામગ્રી તૈયાર કરી લો. દાળ ચોખા ને બરાબર ધોઈને પલાળી રાખો.

હવે ગેસ ચાલુ કરી એક કૂકરમાં તેલ ગરમ કરો. તેમાં રાઈ, મેથીદાણા, લવીંગ, તમાલપત્ર અને હિંગ નાખીને વઘાર કરો. પછી તેમાં લસણ,લીલા મરચા,અને લિલી ડુંગળી નાખીને સાંતળી લો.

હવે તેમાં લીલી તુવેર ના દાણા, બટાકા,ડુંગળી નાખીને બરાબર મીક્સ કરી લો.

હવે તેમાં મીઠું, હળદર પાઉડર અને પલાળેલ દાળ ચોખા ને ઉમેરી લો.

જરૂરી પાણી ઉમેરીને મીક્સ કરી થોડીવાર ગરમ થવા દો. પછી કુકર ના ઢાંકણ ને ઢાંકી ને 2 સીટી થાય ત્યાં સુધી થવા દો. પછી ગેસ બંધ કરી દો. લીલી તુવેર ની ખીચડી તૈયાર.

કુકર ઠંડુ થાય એટલે તુવેર ની ખીચડી ને સમારેલી કોથમીર થી ગાર્નીશ કરી સર્વ કરો.