સૌ પ્રથમ બન્ને લોટ લો અને તેમાં ઓઈલ, હીંગ અને મીઠું નાખી બરાબર મિક્સ કરી કણક તૈયાર કરો. પછી તેને થોડીવાર માટે રહેવા દો. પછી તેના લુવા કરી લો.

ત્યારબાદ હવે એક કઢાઈમાં તેલ અને બટર ગરમ કરી તેમાં કોબી, ગાજર અને કેપ્સીકમને સાંતળો પછી તેમાં તીખાની ભુકી અને મીઠું નાખી બરાબર મિક્સ કરી દો. થોડી વાર સાંતળો પછી તેને એક ડીશ માં લઈ લો.

પછી એજ કઢાઈમાં તેલ અને બટર મૂકી તેમાં ડૂંગળી અને ટામેટાં ને સાંતળો પછી ગ્રીન મરચું નાખો. બધું સાંતળો પછી તેમાં પનીર નાખો ત્યારબાદ બધા મસાલા કરી બરાબર મિક્સ કરી લેવાનું. થોડીવાર માટે સાંતળો પછી ગેસ બંધ કરી દો.

હવે એક લૂવો લઇ તેની રોટી બનાવી એક લોઢી માં આથી પાતળી શેકી લો. અને તૈયાર કરો.

રોટી થઇ ગયા બાદ હવે એક રોટી માં ટોમેટો કેચપ લગાવી તેની પર સ્ટફીંગ મૂકી પછી તેની પર તૈયાર કરેલ સલાડ મૂકો.

હવે તેની ઉપર ચીઝ નાખી તેનો રોલ કરી લો. એક લોઢી માં બટર મૂકી રોલ ને બન્ને બાજુએ શેકી લો. લાઈટ બ્રાઉન કલર થાય ત્યાં સુધી શેકવાનું.

હવે તૈયાર છે પનીર ફ્રેન્કી

હવે તેને ગરમ ગરમ સર્વ કરો.