સૌપ્રથમ એક બાઉલમાં છીણેલી દૂધી લો.તેમાં લાલ મરચું,સમારેલી કોથમીર,૨ સમારેલા લીલા મરચાં, ખાંડ,હળદર,ધાણાજીરું, દહીં, ૩ ચમચી તેલ,ચપટી ખાવાનો સોડા,સ્વાદ અનુસાર મીઠું ઉમેરીને મિક્સ કરી લો. ત્યારબાદ તેમાં ઢોકળાનો લોટ અને પાણી ઉમેરીને ઢીલુ ખીરૂ બનાવો.

ત્યારબાદ થાળીમાં તેલ લગાડી ખીરાને પાથરી દેવું અને સ્ટિમ કુકરમાં 15 મિનિટ માટે થવા દો. 15 મિનિટ બાદ તેને ઠંડુ થવા દો. પછી તેના ચોરસ પીસ કરવા.

ત્યાર પછી એક કડાઈમાં તેલ લો. તેલ ગરમ થાય એટલે તેમાં રાઈ,લીલાં મરચાં, લીમડાના પાન,તલ અને હીંગ ઉમેરીને વઘાર તૈયાર કરવો.અને તૈયાર થયેલો વઘાર મુઠીયા ઉપર રેડી દો.આપણા દુધી ના મુઠીયા તૈયાર છે. તેને એક પ્લેટમાં લઈ સર્વ કરો.