સૌ પ્રથમ ત્રણે લોટ ને મિક્સ કરી લો અને દૂધી
ને ખમણી લો તેમજ આદુ મરચાની પેસ્ટ બનાવી લો. આ બધું મિક્સ કરી લો.

ત્યારબાદ તેમાં તેલ નું મોણ નાખો તથા મરચું, હળદર, ધાણાજીરૂ, ગરમ મસાલો, ખાંડ, સ્વાદાનુસાર મીઠું તથા લીંબુ અને ચપટી સોડા નાખી મિક્સ કરી લોટ બાંધી લો.

હવે તેમાં થી થોડા થોડા ભાગ કરી લાંબા મસળી ને ઢોકળિયા માં સ્ટીમ કરવા ૧૫ થી ૨૦ મિનિટ માટે ધીમા તાપે રાખી દો. ત્યારબાદ તેના નાના નાના પીસ કરી લો.

હવે એક કડાઈમાં તેલ મૂકો એ ગરમ થઇ જાય એટલે તેમાં રાઈ નાખો. રાઈ તતડી જાય એટલે તેમાં લાલ સુકા મરચા, તમાલપત્ર તેમજ લીમડાના પાન નાખો.

ત્યારબાદ તેમાં પીસ કરેલ મૂઠિયાં નાખી બરાબર હલાવી લો અને ૨ મિનિટ ધીમા તાપે રહેવા દો.. અને ઉપર કોથમીર ભભરાવી દો અને તૈયાર છે મુઠિયાં... ગરમ ગરમ સર્વ કરો.