પહેલા ચણાની દાળને પાંચથી છ કલાક પલાળી દેવી.અને પલળી જાય એટલે તેને બરાબર ધોઈ લેવી. અને પછી તેમાંથી પાણી બધું નિતારી લેવું.

પછી ચણાની દાળને મિક્સરમાં બારીક પીસી લેવી.અને દહીં ગરમ કરીને ઠંડું કરીને દાળમાં એડ કરતાં જવું. અને ડાળ બરાબર પીસી લેવી.

પછી આ ખીરાની તપેલી ચારથી પાંચ કલાક ગરમી હોય, તેવી જગ્યાએ અથવા તડકામાં રહેવા દેવું. જેથી ખીરામાં આથો આવી જાય.

આથો આવી જાય, એટલે તેમાં બધો મસાલો એટલે કે મીઠું, હીંગ, હળદર.તેલ, સાકર,તથા મરચાની પેસ્ટ, એડ કરી અને બધું બરાબર હલાવી લેવું. પછી ઈનો એડ કરીને બરાબર ફેંટી લેવું.

હવે ગેસ ચાલુ કરીને,તેના ઉપર એક સ્ટીમરમાં પાણી મુકીને, તેમાં થાળીમાં તેલ ગ્રીસ કરી ને, થાળી ગરમ કરવા મૂકી દેવી. અને ગરમ થઈ જાય પછી થાળીમાં બધુ ખીરું એડ કરી દેવું. અને ઉપર મરચું ભભરાવી દેવું.

૨૦ મિનીટ ગેસ ઉપર મુકીને ચડી જાય એટલે ચેક કરીને ગેસ બંધ કરી દેવો. અને ઢોકળાની થાળી બહાર કાઢી લેવી.

હવે એક પેનમાં વઘાર માટે તેલ મૂકીને તેમાં રાઈ જીરુ કળી પત્તા અને મરચાના ટુકડા એડ કરીને વઘાર થઈ જાય એટલે એમા તલ એડ કરવા. અને થોડી કોથમીર એડ કરવી.

હવે ઢોકળાની થાળી ઠંડી થાય, એટલે તેમાં પસંદગી પ્રમાણે ના પીસ કરીને, તૈયાર થયેલો વઘાર બધા જ ઢોકળા ઉપર પાથરી દેવો. એટલે બધા જ ઢોકળામાં વઘાર પહોંચી જશે.

આપણા ટેસ્ટી ચણાની દાળના ખમણ ઢોકળા તૈયાર છે.તેને પ્લેટમાં કાઢીને સર્વ કરવા.