સૌ પ્રથમ ભીંડા ના મિડીયમ સાઈઝ ના ટુકડા કરો.1 ડુંગળી ના કટકા કરી તેના પડ ને અલગ કરવા. હવે કડાઈ માં 2 મોટી ચમચી તેલ ગરમ કરી તેમાં ભીંડો અને ડુંગળી ને સાતળવા. 5-7 મિનિટ માં ભીંડા ની ચિકાસ દૂર થાય જાસે અને ડુંગળી પણ સોફ્ટ થય જાસે. પછી તેને એક પ્લેટ માં કાઢી લેવા.

ત્યાર બાદ ટામેટા,આદુ,લસણ ની પેસ્ટ કરવી. 2 મોટી ચમચી તેલ ગરમ કરી તેમાં જીરૂ,આખા ધાણા, લવિંગ, તમાલપત્ર,ઇલાયચી નાખવી.પછી હીંગ નાખી. એક ડુંગળી ના ઝીણા કટકા કરી નાખવા.તેને થોડી બ્રાઉન થયા દેવી.ત્યાર બાદ ટામેટા ની પેસ્ટ નાખવી.

પેસ્ટ માંથી તેલ છૂટું પડે ત્યાં સુધી પકાવવી. પછી તેમાં હળદર,મરચું,ધાણાજીરું,નાખી મસાલા ને 2 મિનિટ સાંતળવું.પછી તેમાં દહીં નાખી સતત હલાવતા રહેવું જેથી દહીં ફાટે નહિ. હવે તેમાં ભીંડો, ડુંગળી નાખી બરાબર મિક્સ કરવા.થોડું પાણી ઉમેરી ઢાંકી ને 5 મિનિટ અથવા ભીંડો ચડે ત્યાં સુધી પકવવું.

હવે ક્રીમ અથવા તાજી મલાઈ ઉમેરી બરાબર મિક્સ કરવું.છેલ્લે ગરમ મસાલો અને કસૂરી મેથી ઉમેરી.થોડી ક્રીમ થી ગાર્નિશ કરી ગરમ ગરમ રોટલી સાથે પીરસવું.

તૈયાર છે શાહી મસાલા ભીંડી.