ચણાનો શેકેલો લોટ, ઘઉંનો જીણો અને જાડો લોટ, ૪-૫ ટેબલ સ્પુન તેલ નાખો. મુઠ્ઠી પડતું તેલનું મોણ નાખો.બરાબર લોટ મસળી લો.થોડું થોડું હૂંફાળું પાણી નાખીને એક એક મુઠીયા વાળો.વધુ પડતું પાણી ન નાખવું. કઠણ મુઠીયા વાળો. આંગળીથી ખાડા પાડી મુઠીયા વાળો.

એક હાથથી મુઠીયું વાળો ને બીજા હાથના અંગૂઠાથી બરાબર ભાર આપી દબાવો.

મુઠીયા વાળતી વખતે વધુ પાણીનો ઉપયોગ થશે તો તળાયા બાદ વચ્ચે લોટ લોટ જેવું રહેશે.

જાડી કઢાઈમાં ઘી ગરમ કરો. ગુંદર તળી લો. ઠંડો પડે એટલે ક્રશ કરો. સાકર નાના ટુકડાં રહે તેમ ક્શ કરો. દ્રાક્ષ તળી લો.મધ્યમ થી ઓછા તાપે બરાબર બ્રાઉન થાય ત્યાં સુધી તળો.તળવામાં ખાસ ધ્યાન રાખો.ઉતાવળ ન કરશો.બરાબર તળાવા જોઈએ.

તળાયા બાદ એકદમ મુઠીયા ઠંડા પડવા દો. જ્યારે મુઠીયા ભાંગો એ ફરસા લાગવા જોઈએ. અંદરથી પણ શેકાવા જોઈએ.તોડો એટલે અંદરથી તરત જ તુટે એવા હોવા જોઈએ. વચ્ચે લોટ ચોંટેલો ન રહેવો જોઈએ.લોટ ચોંટેલો રહે તો સમજવું મુઠીયામાં પાણી વધુ છે.

ઘઉં ચાળવાના ચારણાથી ચાળી લો. બાકી રહેલા ને મિક્ષચરમાં ક્રશ કરો.અથવા ખાંડણીમાં ખાંડી લો.

મુઠીયા તળાયા બાદ ઘી ગાળીને ફરી ગરમ કરો. ગેસ ધીમો રાખો. સમારેલો ગોળ નાખો. ગોળ ઓગળે એટલે ગેસ બંધ કરી ગોળ લાડવાના ચુરમામાં નાખો. જાયફળ પાઉડર, ગુંદર,દ્રાક્ષ, ઈલાયચી પાઉડર, સાકર નાખી બરાબર લોટમાં મીક્ષ કરો.ગોળ બરાબર ભળી જવો જોઇએ

લાડુ વાળી જોવો. લાડુ વાળતાં આંગળીમાંથી થોડું ઘી નીતરે ને પડઘી પડતા તૂટે નહિ તો બરાબર ચુરમું છે. લાડુ વાળતી વખતે એકાદ બે ચમચી દૂધ છાંટવાની લાડુ સરસ વાળશે.લાડું વાળી ઉંચેથી થાળીમાં નાખવો.જેથી નીચેના ભાગમાં દબાણને પડઘી પડશે.જો લાડુ તૂટે તો ગરમ ઘી નાખવું.

થાળીમાં પડઘી પાડ્યાં પછી ખસખસ લગાવવી.લાડુમાં ઘી નીતરતું લાગે તો બીજા દિવસે બરાબર થઈ જશે.ગોળ ખાંડના કે ખાંડના પણ લાડું બની શકે છે.