કાચી કેરી ને ધોઇને તેની છાલ કાઢી લો. પછી તેના ટૂકડા કરી લો.

હવે કેરી પર 3 ચમચી મીઠું અને હળદર નાખી મિક્સ કરી લો અને આખી રાત માટે ઢાંકીને રાખી દો.

મેથી અને ચણાને 2-3 વાર પાણી વડે સાફ કરી આખી રાત માટે પલાળી દો.

હવે, સવારે કેરીના ટૂકડાં ને ચાળણીમાં કાઢી 1 કલાક રહેવા દો. જેથી બધું પાણી નિકળી જાય. પછી 7-8 કલાક માટે સૂકાવી દો.

હવે કેરી માંથી જે પાણી વધ્યું હોય તેમાં જ મેથી અને ચણા માં 2 ચમચી મીઠું નાખી 4-5 કલાક માટે રાખી દો. પછી તેને પણ કોટન ના કપડા પર લઇ 4-5 કલાક સૂકાવી દો.

હવે તેને એક મોટા વાસણમાં લઇ લો તેમાં કેરીના ટૂકડા, ચણા, મેથી અને આચાર મસાલો નાખી મિક્સ કરી લો અને 1 રાત રહેવા દો.

તેલને ગરમ કરી લો પછી ઠંડું કરવા મૂકી દો. ત્યાર બાદ મેથી, ચણા, કેરી વાળા વાસણમાં નાખી મિક્સ કરી લો.