કેરી ની છાલ ઉતારી ને તેના કટકા કરી તેમાં જરૂર મુજબ મીઠું અને હળદર ઉમેરી ને મિક્સ કરી તેને 5 થી 6 કલાક માટે રાખી મૂકો.ચણા અને મેથી ને અલગ અલગ બાઉલ મા પાણી ઉમેરી ને 3 થી 4 કલાક માટે પાણી માં પલાળવા રાખી દો.

શીંગ તેલ ને તપેલી માં ઉમેરી ને ધીમા ગેસ પર ગરમ કરી ધુમાડો નીકળે પછી બંધ કરી ને ઠંડુ થવા રાખી દો. કેરી ને ખાટા પાણી માંથી નિતારી ને ખાટા પાણી ને બાઉલ મા ભરી દો કેરી ને એક કપડા માં છૂટા કરી ને સૂકવી દો.

મેથી અને ચણા ને સાદા પાણી માંથી બહાર કાઢી ને તેમાંજ ખાટું પાણી ઉમેરી ને ખાટા પાણી માં ડુબા ડૂબ 4 કલાક માટે પલાળી રાખો.

એક બાઉલ મા આચાર મસાલો ઉમેરી ને તેમાં કેરી નાં સુકાયેલા કટકા ઉમેરી દો.ચણા અને મેથી ને ખાટા પાણી માંથી નિતારી ને કપડા માં સુકાવી દો ચણા અને મેથી નું પાણી સુકાઈ જાય એટલે તેને કેરી વાળા બાઉલ માં ઉમેરી ને કેરી ચણા મેથી અને આચાર મસાલો મિક્સ કરી તેમાં ઠંડુ કરેલું શીંગ તેલ જરૂર મુજબ ઉમેરી ને મિક્સ કરી ને કાચ ની બરણી માં ભરી દો.