પૂરી બનાવવા માટે:
સૌપ્રથમ એક વાસણ માં મેંદો લઈ એમાં મીઠું અને તેલ નું મોણ ઉમેરી મિક્ષ કરી થોડું થોડું પાણી ઉમેરતા જઈ મિડીયમ કણક તૈયાર કરવી. કણક ને ૩૦ મિનિટ રેસ્ટ આપવો.

હવે કણક માંથી રોટલી ની સાઈઝ ના લુઆ કરી લેવાં અને પાતળી રોટલી વણી કટર કે ઢાંકણ થી નાની નાની પૂરી કટ કરી લેવી

હવે એક પેન માં તેલ લઈ ગરમ કરવું તેલ પણ બહુ ગરમ નહી કરવું એમાં મીડીયમ તાપે પૂરી તળી લેવી બહુ લાલ કે ગુલાબી નહી કરવી આ રીતે ટીસ્યુ પેપર પર લઈ લેવી

હવે એની ઉપર ટીસ્યુ પેપર મૂકી ઉપર વજન મૂકવું જેથી પૂરી આ રીતે ચપટી રહે. જેમ જેમ પૂરી તળાતી જાય એમ આ રીતે મૂકી વજન મૂકતા રહેવું. હવે છેલ્લે ૧૦-૧૫ મિનિટ
રાખવી અને એક ડબ્બા માં ભરી લેવી.

હવે એક પેન માં તેલ લઈ ગરમ થાય એટલે લસણ ની પેસ્ટ ઉમેરી સાંતળી લેવું હવે એમાં ડુંગળી ઉમેરી સાંતળી લેવી

હવે ટામેટા ઉમેરી સાંતળી લેવાં ટામેટા સંતળાય એટલે એમાં લાલમરચું મીઠું હળદર ધાણાજીરૂ ઉમેરી મિક્ષ કરવું એમાં રાજમા અને બાફેલો બટાકો મેશ કરી ઉમેરી મિક્ષ કરી લેવું હવે છેલ્લે ઓરેગાનો ઉમેરી મિક્ષ કરી લેવું ૫ મિનિટ કૂક કરવું પછી ગેસ બંધ કરી દેવું

કોકમ ની ચટણી:
સૌપ્રથમ કોકમ ને ૩૦ મિનિટ માટે પાણી માં પલાળવા. ત્યારબાદ એમાં ગોળ ઉમેરી મિક્ષર જાર માં લઈ બધો મસાલો ઉમેરી પીસી લેવું તૈયાર છે કોકમ ની ચટણી.

તીખી લીલી ચટણી:
સૌપ્રથમ એક મિક્ષર જાર માં કોથમીર, ફુદીનો, લીલા મરચાં આદુ અને મીઠું લઈ થોડું પાણી ઉમેરી પીસી લેવું

બધી સામગ્રી તૈયાર છે હવે એને એક ડીશ માં સર્વ કરશું.. સર્વિંગ ડીશ લઈ એમાં સૌપ્રથમ પૂરી મૂકી એની ઉપર નાચોસ મૂકશું હવે એની ઉપર રાજમા નું મિશ્રણ તથા બંને ચટણી મૂકશું. હવે ઉપર થી સેવ અને ચીઝ ભભરાવી ડુંગળી ની સ્લાઈસ મુકશું ઉપર થી નાચોસ મૂકી ગાર્નીશ કરવું. તો તૈયાર છે ચટપટી સુરતી આલુપુરી મેક્સીકન ટચ સાથે નાચોસ આલુપુરી.