સૌ પ્રથમ કેરી ને ધોઈ,છોલી તેના મીડિયમ સાઈઝના ટુકડા કરો.એક પેન અથવા તપેલામાં ૩ કપ પાણી ઉકાળવા મુકો.પાણી ઉકળે એટલે તેમાં કેરીના ટુકડા નાખો. આ ટુકડાને માત્ર 3 મિનિટ માટે જ કુક કરો. સંપૂર્ણ બાફવાના નથી. હવે તેને એક ઝારામાં કાઢી લઈ પાણી નિતારી લેવું.

હવે એક તપેલામાં અથવા પેનમાં ૪ કપ પાણી મુકો. પાણી ઉકળે એટલે તેમાં ખાંડ નાખો. અને થોડી થોડી વારે હલાવતા રહો. ચાસણીમાં અડધા લીંબુનો રસ નાખી દેવો. થોડીવારમાં જ બધો મેલ કિનારીઓ પર આવી જશે તેને કાઢી લેવો.ચાસણીને એક તારી તૈયાર કરવાની છે. ચાસણી તૈયાર થાય એટલે તેમાં કેસર, તજ તથા ઈલાયચી નાખી મિક્સ કરી લો.

હવે એક તારી ચાસણી તૈયાર થાય એટલે તેમાં બાફેલી કેરી નાખી અને મિક્સ કરો. હવે ફરીથી ચાસણી ચેક કરશો તો તે એક તારી નહીં હોય. કારણકે બાફેલી કેરીમાં પણ પાણી જ હોય છે. હવે ફરીથી ધીમા ગેસે તેને હલાવતા રહો અને ફરીથી દોઢ તારની ચાસણી તૈયાર કરો.

ચાસણી બરાબર તૈયાર થઈ જાય એટલે આ મુરબ્બાને એક બાઉલમાં કાઢી લો અને ઠંડો થાય પછી એરટાઇટ જારમાં ભરી લો.