ફણસી ને સારી રીતે ધોઈને ઝીણીસુધારવી. ત્યારબાદ ફણસી ને બ્રાન્ચ કરવા માટે તપેલીમાં પાણી ગરમ કરવું તેમાં થોડું મીઠું નાખવું પાણી ઉકળે એટલે તેમાં સુધારેલી ફણસી નાખી પાંચ મિનિટ ઉકાળી પછી ઝારાથી ચારણીમાં કાઢવી અને ઉપર ઠંડું પાણી રેડવું જેથી ફણસીનો કલર અને ટેસ્ટ જળવાઈ રહે.

ગેસ ઉપર પેન માં તેલ ગરમ થાય એટલે તજ, લવિંગ, આખા ધાણા, જીરુ, આદું, મરચા, લસણ, ડુંગળી બધુ સુધારીને સ્ટેપ બાય સ્ટેપ નાખતા જવું અને સાંતળવું. બધું સંતળાઈ જાય એટલે ગેસ બંધ કરી ઠરે પછી મિક્સરમાં પીસી લેવું તૈયાર છે ફણસીના શાક માટેની ગ્રેવી.

ગેસ ઉપર પેનમાં તેલ ગરમ થાય બાદ રાઈ-જીરું નાખવુ. રાઈ તતડે પછી હિંગ નાંખી ટામેટાં નો વઘાર કરવો. ટામેટાં સંતળાઈ જાય પછી તેમાં હળદર, લાલ મરચું, ગરમ મસાલો, મીઠું આ બધા જ મસાલા નાખી ચમચાથી સારી રીતે હલાવી ૨ મીનીટ સુધી ચડવા દેવું. ત્યારબાદ તૈયાર કરેલ ગ્રેવી નાખીને ફરી સાંતળવું. તેલ ઉપર આવે ત્યાં સુધી ઢાંકીને ચડવા દેવું. બાદ બ્લાંચ કરેલ ફણસી નાખી ચમચાથી સારી રીતે મિક્સ કરવું. અને થોડુ પાણી નાખી ૨ મીનીટ ચડવા દેવું બાદ ગેસ બંધ કરીને કોથમીરથી ગાર્નિશ કરવું. તૈયાર છે પોષક તત્વોથી ભરપૂર ફણસીનુ શાક.