સોથી પહેલા ઉપરની બધી સામગ્રી એકઠી કરી લો. અને બ્રેડ ની કિનારી ની સ્લાઈસ કાઢી નાખો. અને બાફેલા બીટમાં મીઠું અને મરી પાઉડર નાખી મિક્સ કરી દો. એક વાટકી માં બાફેલા મકાઈના દાણા અને બાફેલા બટાકાનું છીણ તેમાં મીઠું ચાટ મસાલો, મરી પાઉડર નાખી મિક્સ કરી દો. ગ્રીન ચટણી તૈયાર કરી લો.

સોથી પહેલા 4 પીસ બ્રેડ ની સ્લાઈસ પર ગ્રીન ચટણી લગાવો.અને તેને એકબીજા ની ઉપર મૂકો.ત્યાર પછી 2 પીસ બ્રેડ પર ટોમેટો કેચઅપ અને સેઝવાન સોસ મિક્સ કરી તે સ્પ્રેડ કરી દો.બીજી 2 પીસ બ્રેડ ની સ્લાઈસ પર બીટ નું મિશ્રણ સ્પેડ કરો.

ટોમેટો કેચઅપ વાળી બ્રેડ ની સ્લાઈસ બીટ ના ઉપર મૂકો. હવે બીજી 2 બ્રેડ ની સ્લાઈસ પર મકાઈ અને બટાકા નું મિશ્રણ સ્પ્રેડ કરો.અને બીજી લાસ્ટ પડેલી 2 બ્રેડ ની સ્લાઈસ મકાઈના મિશ્રણ ઉપર મૂકી દો.

સેન્ડવીચ ને ગાર્નિશ કરવા માટે....
હંગકર્ડ અને ખાંડ મિક્સ કરી સારી રીતે ફેટી લો. હવે હંગકર્ડ ને બ્રેડ ના ચારો તરફ સ્પ્રેડ કરી દો. ચિત્ર અનુસાર 👇

કાકડી ને સર્કલ માં કાપી લેવી.પિકચર માં જોઈ તમે ગાર્નિશ કરો અથવા પોતાની મનપસંદ થી સેન્ડવીચ ને ગાર્નિશ કરી શકો છો. કેક ની ઉપર ચાટ મસાલો અને લાલ મરચું પાઉડર ભભરાવો.તેની ઉપર ગાજર નું છીણ અને મકાઈના દાણા અને ટામેટાનું ફૂલ બનાવી તેનાથી ગાર્નિશ કરો.

સેન્ડવીચ કેક ને ફ્રીઝ માં 1 કલાક માટે ઠુંડું કરવા મૂકવું.સેન્ડવીચ કેક ને ઠંડું કરીને સર્વ કરવું.

સેન્ડવીચ કેક તૈયાર છે.ઠંડુ સર્વ કરો.