સૌપ્રથમ મેંદો અને ઘઉંનો લોટ લો અને તેમાં મીઠું અને તેલનું મોણ નાખી નરમ કણક તૈયાર કરો અને કલાક માટે રાખી મૂકો. કલાક પછી કણક સોફ્ટ થઈ જશે.

ત્યારબાદ એક કડાઈમાં તેલ મૂકી રાઈ, જીરું લીમડો ઉમેરી તેલ થાય એટલે તેમાં ઝીણી સમારેલી ડુંગળી, ઝીણી સમારેલી ટામેટાં,આદુ મરચાની પેસ્ટ,લસણની પેસ્ટ,કેપ્સીકમ ઉમેરી અને બદામી રંગ થવા દો. પછી તેમાં છીણેલા બટાકા ઉમેરી મસાલા કરો, મીઠું, ધાણાજીરું, ગરમ મસાલો,હળદર, મરચું પાઉડર ઉમેરી થોડું પાણી નાખી શાકને ચઢવા દો (વટાણાની સિઝનમાં વટાણા પણ ઉમેરી શકો છો.)

મેંદા અને ઘઉંની કણકમાંથી લુવો લઇ અને મોટી રોટલી વણી અને નાની વાટકી થી ગોળ પૂરી કરી અને તેલમાં તળો, એવી રીતે તળો કે બહુ આકરી ન કરવી. અને ક્રિસ્પી અને બદામી રંગ થાય તેવી જ તળવી.

પછી એક પ્લેટમાં લઈ લો, પૂરી ગોઠવી તેના પર આલુ સબ્જી, કોકમ ની ચટણી, લીલી ચટણી, લસણની ચટણી,તીખી સેવ (બેસન સેવ કે આલુ સેવ પણ‌ લેવી.)ડુંગળી અને કેપ્સીકમ ગોઠવી અને આલુ પૂરી નો સ્વાદ માણો.

તો આ સાંજ નું મેનુ તૈયાર અને ટેસ્ટી રાંદેર ની આલુ પૂરી ‌માણો.