સૌપ્રથમ મકાઈ માંથી દાણા કાઢી લેવા પછી એક કૂકરમાં પાણી મૂકી એક ડબ્બામાં ટામેટા, કાજુના ટુકડા અને પાણી નાખવું. બીજા ડબ્બામાં મકાઈ મા મીઠું અને પાણી નાખી કુકર બંધ કરી ત્રણ સીટી વગાડી લેવી. કુકર રી જાય પછી મકાઈને ચારણી માં નિતારી લેવી.

કેપ્સીકમ ના પીસ કરી લેવા અને બીજી સામગ્રીની તૈયારી કરી લેવી. મિક્સર જારમાં ટામેટા, કાજુના ટુકડા, લાલ મરચું, હળદર,ધાણાજીરું,કસૂરી મેથી, મીઠું,હળદર,ગરમ મસાલો અને મલાઈ નાંખી ગ્રાઇન્ડ કરી લેવું.

હવે કડાઈમાં બટર અને તેલ ગરમ કરવા મૂકી તેમાં જીરુ, હિંગ અને કેપ્સિકમ નાંખી સાંતળો. એક મિનિટ પછી તેમાં ગ્રેવી ઉમેરી સાંતળો. થોડું પાણી ઉમેરી બરોબર મિક્સ કરી લેવું. પછી તેમાં બાફેલી મકાઈ અને પનીર છીણેલુ નાખવું અને બરોબર મિક્સ કરી લેવું જરૂર પડે તો મીઠું પણ ઉમેરી લેવું. હવે તેમાં કોથમીર નાખી બરોબર મિક્સ કરી ગેસ બંધ કરી લેવો.

તૈયાર કોર્ન પનીર બટર મસાલા ને મેં પરોઠા, દહીં અને સલાડ સાથે સર્વ કર્યા છે