મકાઈના લોટનો ડોહ તૈયાર કરવા માટે: સૌપ્રથમ એક મોટા વાસણમાં મકાઈનો લોટ લઇ તેમાં ઘઉંનો લોટ, સમારેલી કોથમીર અને આદુ મરચાની પેસ્ટ ઉમેરવાની છે.

ત્યારબાદ તેમાં લાલ મરચું પાઉડર, હળદર, સ્વાદાનુસાર મીઠું, સફેદ તલ અને અજમો ઉમેરવાનો છે.

હવે તેમાં કુકિંગ સોડા અને તેલ ઉમેરી બધું બરાબર રીતે મિક્સ કરી લેવાનું છે.

હવે તેમાં થોડું-થોડું દહીં ઉંમરતા જવાનું છે અને લોટ બાંધવાનો છે.

લોટ(ડોહ)ને મીડીયમ સોફ્ટ રાખવાનો છે લોટ બંધાઈ જાય એટલે તેને બે થી ત્રણ કલાક માટે કિચન ટોવેલ થી કવર કરી સાઈડ પર રાખી દેવાનો છે.

પનીરનું સ્ટફિંગ તૈયાર કરવા માટે:
પનીરને હાથથી મસળીને છૂટું પાડવાનું છે. તેમાં સમારેલા કેપ્સીકમ અને સમારેલી લીલી ડુંગળીના પાન ઉમેરવાના છે.

રેડ ચીલી ફ્લેક્સ, ગ્રીન હર્બ્સ અને સ્વાદ અનુસાર મીઠું ઉમેરવાનું છે.

આમચૂર પાઉડર ઉમેરવાનો છે.

બધું બરાબર રીતે મિક્સ કરી આ મિશ્રણમાંથી નાના બોલ્સ બનાવવાના છે.

તૈયાર કરેલા મકાઈના ડોહ માંથી હાથથી પૂરી જેવું બનાવી તેમાં પનીરના બોલને મૂકી વડા જેવું વાળી લેવાનું છે. વાળતી વખતે જો સાઇડમાંથી ક્રેક્સ પડે તો હાથ ભીનો કરી વાળવાનું છે. હવે આ વડાને ગરમ તેલમાં પહેલા હાઈ ફ્લેમ પર અને પછી સ્લો ફ્લેમ પર તળી લેવાના છે. સ્લો ફ્લેમ પર તળવા ખૂબ જ જરૂરી છે નહિંતર વડા અંદરથી કાચા રહેશે.

તો અહીંયા આપણા સ્ટફડ પનીર મકાઈ વડા તળાઈને તૈયાર છે.