સૌપ્રથમ પકોડા બનાવવા માટેનું બેટર તૈયાર કરવાનું છે તેના માટે ચણાનો લોટ અને કોર્ન ફ્લોરમાં મરીનો પાઉડર, મીઠું સ્વાદ અનુસાર ઉમેરીને મીડીયમ થીક બેટર તૈયાર કરવાનું છે.

એક કડાઈમાં તેલ ગરમ મૂકી બાસ્કેટ પૂરી ને તૈયાર કરેલા બેટર મા ડીપ કરી તેના પકોડા બનાવવાના છે. તળતી વખતે ફ્લેમ મીડીયમ રાખવાની છે.

એક પેનમાં તેલ ગરમ મૂકી તેમાં ડુંગળી સોતળવાની છે. ત્યારબાદ તેમાં કેપ્સિકમ અને ગાજર ઉમેરવાના છે થોડા ચડી જાય એટલે તેમાં મેશ કરેલું બટેટુ ઉમેરવાનું છે.

આ સ્ટફિંગ બરાબર રીતે મિક્સ કરી તેમાં ચીલી ફ્લેક્સ, ગ્રીન હર્બ, ઓરેગાનો અને મીઠું સ્વાદ અનુસાર ઉમેરવાનું છે. બધુ બરાબર રીતે મિક્સ કરી ગેસ ઓફ કરી સ્ટફિંગને સાવ ઠરી જવા દેવાનું છે.

તૈયાર કરેલા કટોરી પકોડા માં આ સ્ટફિંગ ભરવાનું છે. હવે તેના પર એકદમ ઝીણું ખમણેલું ગાજર ઉમેરવાનું છે. અને તેના પર ચીઝ ક્યુબ મૂકવાના છે.