ચણાના લોટના ખીરામાં દુધી નું ખમણ, બેકિંગ સોડા, બેકિંગ પાઉડર,મીઠું નાખી અને ખીરું તૈયાર કરો, તેવી જ રીતે રવા નું ખીરુ તૈયાર કરો તેમાં પણ દુધી નું ખમણ, બેકિંગ સોડા બેકિંગ પાઉડર નાખી ખીરું તૈયાર કરો, ચોખા અને અડદ ના લોટના ખીરામાં પાલક અને દુધી ની પ્યુરી નાખો અને બેકિંગ સોડા બેકિંગ પાઉડર મીઠું ઉમેરી ત્રણેય ખીરું તૈયાર કરો.

ગેસ પર ઢોકળા બનાવવાનું વાસણમાં પાણી ઉમેરી ગરમ કરો. પછી તેમાં કેક મોલ્ડ નું વાસણમાં તેલ લગાવી સૌપ્રથમ ચોખા અને અડદ નું ખીરું ઉમેરી અને ચાર મિનિટ થવા દો, ત્યારબાદ તેમાં સોજી નુ ખીરુ ઉમેરી તેને પણ ચાર મિનિટ થવા દો,ચપ્પુ ભરાવી ચેક કરો કે ઢોકળા થઈ ગયા છે કે શું? ત્યાર પછી ઉપર ત્રીજું લહેર ચણાના લોટનો કરી અને ઢોકળા ના ત્રણેય લહેર દસ મિનિટ સુધી થવા દો.

ઢોકળાં આ ત્રણેયમાં દૂધીનું ખમણ પૂરતા પ્રમાણમાં ઉમેરવું અને ઢોકળા થઈ ગયા પછી તેના પર વઘાર કરવા માટે એક કડાઈમાં તેલ મૂકી તેમાં રાઈ, તલ, મીઠા લીમડાના પાન ઝીણું સમારેલું લીલું મરચું નાખી વધાર કરો અને ઢોકળાને સર્વ કરો.

ઢોકળા ની પ્લેટ ને ડેકોરેશન સાથે,ટોમેટો કેચપ સાથે સર્વ કરો.