એક પેનમાં તેલ ગરમ કરવા મૂકવું પછી તેમાં રાઈ લીમડાના પાન આદુ-મરચા-લસણની પેસ્ટ નાખી 20 થી 30 સેકન્ડ માટે સાંતળો પછી તેમાં હળદર કોથમીર અને બાફેલા બટાકા નાખી હલાવો પછી તેમાં મીઠું નાખી આ મિશ્રણને મિક્સ કરી ઠંડુ થવા દેવું મિશ્રણ ઠંડુ થાય ત્યારબાદ તેમાં લીંબુનો રસ ઉમેરી હલાવવું.

એક મિક્સર જારમાં ૨ કપ કોથમીર 5 થી 10 ફુદીના ના પાન લસણની કળી 4 થી 5 નંગ લીલા મરચાં ૩ ચમચી કોપરાનું છીણ સ્વાદ અનુસાર મીઠું 1 ચમચી લીંબુનો રસ નાંખી મિક્સરમાં ક્રશ કરીને ચટણી તૈયાર કરી લેવી.

સેન્ડવીચ તૈયાર કરવા માટે એક બ્રેડ સ્લાઇસ ઉપર બટર લગાડવું અને એક બ્રેડની સ્લાઇસ ઉપર બટર લગાવી તેની ઉપર ચટણી લગાવી પછી બટર લગાવી બ્રેડની સ્લાઇસ ઉપર બટેટાનુ મિશ્રણને પાથરવું પછી તેના ઉપર ચીઝ છીનવું ટામેટાની સ્લાઈસ કાકડીની સ્લાઇસ કેપ્સિકમની સ્લાઈસ ગોઠવી સેન્ડવીચ મસાલો ભભરાવી તેના ઉપર બીજી સ્લાઈસ મૂકી સૅંડવિચ પેક કરવી