સૌ પ્રથમ ભાખરી બનાવવા માટે એક બાઉલમાં ઘઉં નો કકરો લોટ,ઘઉં નો ઝીણો લોટ,જુવાર નો લોટ,સફેદ મકાઈ નો લોટ,લઈ તેમાં અજમો,મીક્સ હર્બસ,મીઠું અને તેલ ઉમેરી મીક્સ કરીલો તેમાં જરૂર મુજબ પાણી ઉમેરી કઠણ લોટ બાંધી લેવો અને ઢાંકીને ૧ કલાક રાખવો.

પછી લોટમાંથી જે સાઈઝ અને શેપ ની ભાખરી બનાવી હોય એવી ભાખરી વણી લેવી અને શેકતી વખતે કાંટા વડે ભાખરી પર થોડા કાપા પાડી ભખરી ને બન્ને બાજુ થી શેકી લેવી.

એક બાઉલમાં મેયોનિઝ સમારેલબ્ધ વેજીટેબલ્સ ચીલી ફ્લેક્સ,ઓરેગાનો અને સ્વાદાનુસાર મીઠું ઉમેરી બરાબર મીક્સ કરી લેવું.

શેકેલી ભાખરી પર પેહલા પીઝા સોસ લગાવી ઉપર મેયોનિઝ વાળા વેજીટેબલ્સ મૂકી ઉપર પ્રોસેસ અને મોઝરેલા ચીઝ પાથરી દેવું.

ઉપર તમને ગમે તે વેજીટેબલ્સ,ઓલિવસ,હેલેપીનો મૂકી પ્રિહીટેડ ઓવનમાં ૧૦ મિનિટ માટે બેક કરવા.

તો તૈયાર છે મલ્ટીગ્રેન ભાખરી પીઝા.