સૌપ્રથમ એક કાથરોટ માં ઘઉંનો લોટ મીઠું અજમો ઘી અને મલાઈ નાંખી મિક્સ કરી લેવું. પછી તેમાં પાણીથી ભાખરીનો કઠણ લોટ બાંધી લેવો.

હવે લોટમાંથી લુઆ કરી ભાખરી વણી તેની ઉપર કોકના મદદથી કાણા પાડી લેવા પછી તેને તાવી માં શેકી લેવી.

પનીરમાં કાશ્મીરી લાલ મરચું પાઉડર મીઠું મરી અને ચાટ મસાલો નાખી મેરીનેટ થવા માટે સાઈડમાં રાખી મૂકો. ત્રણેય કલરના કેપ્સીકમ ને નાના પીસ ના કટીંગ કરી લેવા. અમેરિકન મકાઈ ને બાફી લેવી. સાથે બેબી કોન ને પણ નાના પીસ માં સમારી લેવા.

હવે એક પેનમાં ઓલિવ ઓઇલ ગરમ કરી ફાસ્ટ ગેસ પર ત્રણે કલરના કેપ્સીકમ,બેબી કોન, અમેરિકન મકાઈ અને પનીર નાખી સાંતળી લેવા પછી તેમાં મીઠું, ચીલી ફ્લેક્સ અને ઓરેગાનો સીઝનીંગ નાખી બરોબર મિક્સ કરી લેવું અને પીઝા નું ટોપિંગ તૈયાર કરી લેવું

હવે ભાખરી ઉપર પીઝા સોસ લગાડવું. તેના ઉપર મોઝરેલા ચીઝ નું લેયર કરવું. તેના ઉપર પીઝા નું ટોપિંગ કરો. પછી તેની ઉપર પ્રોસેસ ચીઝ ખમણવું અને લાસ્ટ માં બ્લેક ઓલીવ્સ મુકવા. પીઝા ને એક ગરમ પેનમાં મૂકી ઉપર ઢાંકણ ઢાંકી ચીઝ મેલ્ટ થાય ત્યાં સુધી રાખો. પછી તેને સર્વિંગ પ્લેટ ઉપર મૂકી ગરમાગરમ સર્વ કરવા.