સૌ પ્રથમ એક પેનમાં પાણી ગરમ કરવા મુકો. પાણી ઉકળે એટલે એમાં પેને પાસ્તા ઉમેરી તેમાં ઓલિવ ઓઈલ અને નમક ઉમેરી બરાબર મિક્સ કરી પાસ્તા ને બોઇલ કરી લો.

હવે પાસ્તા બોઇલ થઈ જાય એટલે તરત જ તેને એક ગરણી માં કાઢી બધું પાણી નીતારી લો. ને ઉપર ઠંડુ પાણી ઉમેરી બાજુ પર મૂકી દો.

હવે એક બીજી પેન મા પાણી ગરમ કરવા મૂકો..ત્યાર બાદ ટામેટાને ઉપર પ્લસ માં કટ કરી આ ટામેટા અને સૂકા આખા કાશ્મીરી લાલ મરચા ઉમેરી ફાસ્ટ ગેસ ની આંચ પર બોઇલ કરી લો જ્યાં સુધી ટામેટા ની છાલ થોડી સિકુડાઈ જાય ત્યાં સુધી.

હવે આ ટામેટા ને બહાર કાઢી ઠંડા પાણી માં થોડી વાર રાખી એની છાલ ઉતારી લો. ત્યારબાદ એક મિક્સર જારમાં ઉમેરી ફાઇન પેસ્ટ પીસી લો.

હવે એક બીજી પેન મા ઓલીવ ઓઈલ ગરમ કરી તેમાં જીણું સમારેલું લસણ ઉમેરી ધીમા ગેસ ની આંચ પર સાંતળી તેમાં જીની સમારેલી ડુંગળી ઉમેરી એનો કલર ચેન્જ થાય ત્યાં સુધી સાંતળી તેમાં બનાવેલી ટામેટા ની પેસ્ટ ઉમેરી 2 મિનિટ માટે કૂક કરી લો.

હવે આમાં કાળા મરી પાવડર, ચીલી ફ્લેક્સ અને મિક્સ હરબ્સ ઉમેરી બરાબર મિક્સ કરી લો.

હવે આમાં બોઇલ પાસ્તા ઉમેરી બરાબર મિક્સ કરી તેમાં ચીઝ ઉમેરી બરાબર મિક્સ કરી ગેસ ની આંચ બંધ કરી લો.

હવે આપણા પેને અરાબીઆતા પાસ્તા તૈયાર છે સર્વ કરવા માટે..આ પાસ્તા ને ચીઝ થી ગાર્નિશ કરી સર્વ કરો.