સૌ પ્રથમ બટાકાને બરાબર ધોઇને પાણી ઉમેરી બાફી, ઠંડા કરી, છાલ કાઢીને તેનો માવો તૈયાર કરી લો.

હવે માવામાં મીઠું અને હળદર ઉમેરી બરાબર હાથેથી મિક્સ કરો.

હવે એક કડાઈમાં તેલ લઈ, તેમાં રાઈ, જીરું, હિંગ, મીઠાં લીમડાનાં પાન, આદું, મરચાં ઉમેરી વઘાર કરી તેમાં બટાકાનો માવો ઉમેરી બરાબર હલાવી લો.

હવે ગેસ બંધ કરી તેમાં લીંબુનો રસ તથા કોથમીર ઉમેરીને મિક્સ કરી માવાને ઠંડુ કરી લો અને તેમાંથી મધ્યમ કદના ગોળા વાળીને ૧૦-૧૫ મિનિટ માટે ફ્રીજમાં સેટ કરી લો.

હવે કડાઈમાં તેલ ગરમ કરવા મૂકો અને ખીરું બનાવવા માટેની સામગ્રી ભેગી કરી ખીરું બનાવી લો.

હવે તૈયાર કરેલા ગોળને ખીરામાં બોળી ગરમ કરેલા તેલમાં મધ્યમ આંચ પર તળી લેવા. હવે તેને ગરમાગરમ ખજૂર આમલીની ચટણી અને કોથમીર ફુદીનાની ચટણી સાથે સર્વ કરો.