મખાણા પંજીરી (Makhana Panjiri Recipe In Gujarati)

ગેસ પર નોનસ્ટિક કડાઈ ચઢાવવી. તેમાં 2 ચમચી ઘી ઉમેરી, ઘી ને ગરમ કરવું. ગરમ ઘી માં થોડાં થોડાં કરીને 2 કપ મખાણા ક્રિસ્પી થાય, ત્યાં સુધી હલાવીને સરસ શેકીને, ક્રિસ્પી બનાવી લેવા. તેને એક પ્લેટ માં કાઢીને ઠંડા થવા દેવાં. ગેસ ની ફ્લેમ સ્લો જ રાખવી. જેથી સરસ ક્રિસ્પી થાય. પૂરી પ્રોસેસ માં ગેસ ધીમો રાખીનેજ બધી સામગ્રી ને સરસ રીતે શેકવી.

કડાઈ માં 1 ટે. સ્પૂન ઘી ગરમ કરી, તેમાં બદામ ને 4-6 મિનિટ ધીમા તાપે સરસ શેકી લેવાં. પ્લેટ માં કાઢી ઠંડા થાવા દેવાં.

હવે ફરી 1 ચમચી ઘી ગરમ કરી તેમાં, પિસ્તાં ને ઉમેરી, તેને પણ સરસ રીતે ઘી માં 5-7 મિનિટ શેકી લેવાં. કાઢીને સાઈડ પર ઠંડા કરવાં રાખવાં.

એજ ગરમ અને ઘી વાળી કડાઈ માં તરબૂજ ના બીજ ને પણ ધીમા તાપે શેકી લેવાં. ઘી ઉમેરવાનું નથી. કડાઈ ઘી વાળી જ છે. એટલે ઘી એડ કરવું નહીં. 5-6 મિનિટ સરસ શેકવું. જેથી તે પણ સરસ ક્રિસ્પી થઇ જાય.

હવે બધી સામગ્રી ને ઠંડી કર્યા પછી એટલે કે રૂમ ટેમ્પરેચર પર આવ્યા પછી, મિક્સર જાર માં પલ્સ મોડ પર દરદરૂ ગ્રાઈન્ડ કરી લેવું. બહુ બારીક નઈ પીસવું. આપણને કોર્સ - પાઉડર જોઈએ છે.

હવે મિક્સર માંથી પાઉડર ને એક બૉઉલ માં કાઢવું. તેમાં ઈલાયચી પાઉડર અને શુગર પાઉડર ઉમેરી સારી રીતે મિક્સ કરી લેવું.

તો તૈયાર છે આપણી.. 😍

"મખાણા - પંજીરી"
****************.