સૌપ્રથમ બટાકાને બાફી લો બટાકા બફાઈ જાય પછી તેની છાલ કાઢીને સમેશ કરો. પછી તેમાં ઉપર જણાવેલ બધા મસાલા કાપેલાં કાંદા ઉમેરી અને લીંબુનો રસ નાખી જરૂર મુજબ મીઠું,કોથમીર નાખીને બધું હલાવી નાખો.

હવે તેમાં રાઈ અને હળદર કળી પત્તાનો વઘાર ઉમેરો અને ફરીથી વધુ સારી રીતે હલાવી નાખો.હવે તેમાંથી એક ચમચી બટાકાનો માવો લઈ બ્રેડ ઉપર લગાવો પછી તેના પર બીજી બ્રેડ લગાવી દો.

હવે એક વાસણમાં ચણાનો લોટ,મીઠું ચપટી સોડા અને જરૂર મુજબ પાણી નાખીને બહુ જાડું અને બહુ પાતળું નહીં તેવું ખીરું તૈયાર કરો. બ્રેડની સ્લાઈસને વચ્ચેથી કાપી લો અને ચણાના લોટના ખીરામાં નાખીને તેલમાં તળી લો.

બ્રેડ પકોડાને ગરમ કરેલા તેલમાં બંને બાજુએ થી તળી લો. બ્રેડ પકોડા ને મધ્યમ આંચે અથવા વધારે તાપે તળવા. ધીમે તાપે તળવા નહીં.

બ્રેડ પકોડા બનીને તૈયાર છે તેને ટોમેટો કેચપ અથવા કોથમીરની ચટણી સાથે ગરમાગરમ પીરસો.

વરસાદની સિઝનમાં પકોડા ખાવાની મજા જ અલગ છે.તમે પણ જરૂરથી બનાવજો બ્રેડ પકોડા.