સૌપ્રથમ એક બાઉલમાં ચણાનો લોટ લઈ તેમાં ખીરું ની સામગ્રી ના બધા મસાલા ઉમેરો અને પછી તેમાં પાણી ઉમેરીને ખીરું તૈયાર કરો અને ૧૦ મિનિટ સુધી ઢાંકીને રહેવા દો.

સ્ટફિંગ માટે બટાકા ને બાફી ને મેશ કરી લો.ડુગળી ઝીણી સમારી લો.હવે એક કડાઈમાં તેલ ગરમ કરો તેમાં હીંગ ચપટી રાઈ અને હળદર નાખીને ડુંગળી સાંતળો.સતળાઈ જાય પછી તેને બટાકા ના માવા માં નાખી લો.હવે ઉપર જણાવેલ બધા સુકાં મસાલા ઉમેરો લીંબુનો રસ અને લીલાં ધાણા નાખી બરાબર મિક્સ કરો.

હવે બ્રેડ ની સ્લાઈસ લો તેમાં ચટણી લગાડી સ્ટફિંગ ભરી બીજી સ્લાઈસ થી બંધ કરી લો.વચ્ચે થી ત્રિકોણ કાપી લો.

હવે ખીરું માં ખાવાનો સોડા નાખી બરાબર હલાવી લો.બ્રેડ ની સ્લાઈસ ખિરા માં બોળી ગરમ તેલમાં ગોલ્ડન તળી લો.એજ રીતે બધી તૈયાર કરી લો.

ગરમ ગરમ બ્રેડ પકોડા તૈયાર છે.લીલી ચટણી અને સોસ સાથે સર્વ કરો.લીલા મરચાં તળી ને સર્વ કરો.