ઢોસા નું ખીરું બનાવવા માટે:
ચોખા, અડદની દાળ, ચણાની દાળ, મગની દાળ અને મેથીને ધોઈને આઠ કલાક માટે પલાળી ને રાખો. હવે તેને ક્રશ કરતી વખતે તેમાં પૌંઆ ઉમેરો. હવે આ ખીરાને ઢાંકીને બીજા પાંચથી છ કલાક માટે રહેવા દો.

ચટણી બનાવવા માટે:
ચટણી બનાવવાની બધી જ સામગ્રી તેલ મૂકી શેકી લો પછી તે ઠંડું પડે એટલે મિક્સર જારમાં તેને ક્રશ કરી લો.

એક કડાઇમાં તેલનો વઘાર મૂકી તેમાં રાઈ અને જીરું ઉમેરો. રાઈ તતડે એટલે તેમાં ઝીણા સમારેલા મીઠો લીમડો, લીલા મરચાં, હિંગ અને અડદની દાળ ઉમેરીને અડદની દાળ લાલ થાય ત્યાં સુધી સાંતળો. હવે તેમાં બાફેલા કાચા કેળા ને ઝીણા સમારી ને અને બાકીના મસાલા ઉમેરી બધું બરાબર મિક્સ કરી લો. હવે ધીમા તાપે તેને ચાર થી પાંચ મિનિટ માટે કૂક કરો. છેલ્લે તેમાં તાજી સમારેલી કોથમીર અને લીંબુનો રસ ભેળવો.

હવે ઢોસાના ખીરામાં મીઠું ઉમેરી બરાબર હલાવી લો. નોનસ્ટિક તવાને બરાબર ગરમ કરી ૨થી ૩ વખત લૂછી લો. પછી તેના ઉપર ખીરું પાથરી તેના ઉપર ઘી અથવા તો બટર સ્પ્રેડ કરો હવે તેના ઉપર ચટણી સ્પ્રેડ કરી ને તેનું પડ થવા દો. તેમાં હવે તૈયાર કરેલી ભાજી ઉમેરીને ઢોસો તૈયાર કરી લો.

તૈયાર મૈસુર મસાલા ઢોસા ને સંભાર, ચટણી, દહીં તથા ભાજી સાથે સર્વ કરો.