સૌ પ્રથમ દૂધીને છીણી લો. આદું, મરચાં લસણને વાટી લો.

એક વાસણમાં બધા લોટ લઈ તેમાં બધા જ મસાલા ઉમેરીને પરોઠા જેવો લોટ બાંધી તેમાંથી એકસરખાં લૂઆ કરી લાંબા રોલ વાળી લો.

ત્યારબાદ ઢોકળીયામાં પાણી ગરમ કરી તૈયાર રોલને ૨૫ મિનીટ માટે બાફી લો. થોડા ઠંડા થાય એટલે ગોળ આકારમાં કાપી લો.

એક કડાઈમાં તેલ ગરમ કરી રાઈ, જીરૂ, અજમો, તલ, હિંગ અને મીઠા લીમડાના પાન ઉમેરો. તતડે એટલે તેમાં કાપેલાં મુઠીયા ઉમેરીને બરાબર મિક્સ કરી લો. થોડા ક્રિસ્પી થાય ત્યાંસુધી થવા દો પછી ગેસની ફ્લેમ બંધ કરી દો.

તો દૂધીનાં મૂઠીયા તૈયાર છે. ગરમા ગરમ ચા અથવા સોસ સાથે સર્વ કરો.