સૌપ્રથમ કૂકરમાં એક ગ્લાસ પાણી ગરમ કરો.પાણી ઉકળે એટલે તેમાં સુરતી પાપડી દાણા અને તુવેરના દાણા બાફી લો. બે સીટી વગાડવી.ત્યારબાદ બટાકા શક્કરીયા અને રતાળુ ના મોટા ટુકડા કરી તેને વરાળે બાફી લો. એક બાઉલમાં એક કપ પાણી નાખી વટાણાને અલગથી બાફવા.

હવે એક બાઉલમાં લોટ મિક્સ કરી તેમાં તેલ નાખી તમામ મસાલા એડ કરો દહીંથી ઢીલો લોટ બાંધો. તેના મૂઠિયાં વાળી ગરમ તેલમાં ક્રિસ્પી તળી લો.

હવે એક મોટા પેનમાં તેલ ગરમ કરો. તેમાં અજમો નાખી સાંતળી લો. ત્યારબાદ તેમાં ટામેટા, લીલું લસણ, આદુ મરચાની પેસ્ટ,નાખી અને સાંતળો. પાંચ મિનિટ સુધી લો ફલેમ પર હલાવતા રહો. હવે તેમાં તમામ મસાલા એડ કરી અને મિક્સ કરો. ત્યારબાદ એક ગ્લાસ હૂંફાળું પાણી એડ કરો. પાણી ઉકળે એટલે તેમાં તમામ બાફેલા શાકભાજી એડ કરો. મુઠીયા પણ નાખી દો.ધીમા ગેસ પર દસ મિનિટ સુધી રાખો. ત્યાર પછી લીલા ધાણા નાખી અને ગેસ ઓફ કરી દો. સર્વ કરતી વખતે તલનું તેલ મીકસ કરો.