સૌપ્રથમ એક વાસણમાં ચણાના લોટ અને મેંદાને લઈને ચાળી લો. પછી તેમાં જરૂર મુજબ તેલનું મોણ,મીઠું અને મરી અને જીરાનો ભૂકો ઉમેરો. પછી તેમાં જરૂર મુજબ પાણી નાખીને પુરીનો લોટ બાંધવો.

બાંધેલા લોટને પંદરથી વીસ મિનિટ સુધી ઢાંકીને રાખો.જેથી તે એકદમ સરસ કુણો થઈ જાય. હવે તેમાંથી એક લૂઓ લઇને તેની મોટી રોટલી વણી લો.પછી તેના ઉપર તેલ લગાવીને લોટ ભભરાવો.

હવે એજ પ્રમાણે બીજી રોટલી પણ વણી લો. આ બીજી રોટલીને પહેલી વણેલી રોટલી ઉપર મૂકો અને તેનો રોલ વાળી લો. પછી તેના છરી વડે ટુકડા કરી લો.

હવે કાપેલા ટુકડામાંથી એક ટુકડો લઈને ચિત્રમાં બતાવ્યા મુજબ વણી લો એજ પ્રમાણે બધી પૂરી વણી લો. તમે વળતી વખતે તળતી વખતે જોઈ શકો છો કે પૂરી માં કેટલા બધા પડ દેખાય છે.

હવે તેલ ગરમ મૂકીને બંને બાજુએ ગોલ્ડન કલરની અને ક્રિસ્પી થાય ત્યાં સુધી તળી લો. સતપુડા પૂરી બનીને તૈયાર છે તને પીરસો.

આ પૂરી ના ઘણા બધા પડ નીકળે છે એટલે તેને સતપુડા અથવા સાત પડવાળી પૂરી કેહવાય છે.