એક જાડા તળિયા વાળી કડાઈ લો.તેમાં મેંદો,દૂધ,ઘી અને ખાંડ બધું નાખી દો.ત્યાર બાદ તેને થોડી વાર માટે હલવો અને મિશ્રણ ને એક રસ કરી લો.આ બધી મિશ્રણ મિક્સ કરતી વખતે ગેસ ચાલુ કરવાનો નથી.બધું બરાબર મિક્સ થઈ જાય એટલે તેને ધીમા તાપે ગરમ કરો.

ગેસ ની ફ્લેમ ધીમી જ રાખવા ની છે.તેને પાંચ સાત મિનિટ સુધી સતત હલાવતા રહો.મિશ્રણ થોડુ ઘટ્ટ થાય એટલે તેમાં ગરમ દૂધ મા પલાળેલું કેસર ઉમેરી ને ફરી સતત હલાવતા રહો.મિશ્રણ ગોળી વળે તેવું થાય એટલે તેને બટર પેપર પર કાઢી ને થોડું પાથરી દો.

ત્યાર બાદ તેના ઉપર બદામ પિસ્તા ની કતરણ નાખી ને ઉપર બીજું બટર પેપર પાથરી ને વેલણ ની મદદ થી થોડું પાતળું વણી લો.જેથી બદામ પિસ્તા ની કતરણ બરાબર સ્ટીક થઈ જાય.મે અહીં ઇલાયચી નો ઉપયોગ નથી કર્યો કરવો હોય તો કરી શકાય.

હવે આ મિશ્રણ ને ૭ થી ૮ કલાક માટે ઠરવા દો.ત્યાર બાદ તેને ચોરસ કટ કરી લો.હવે તેને સર્વ કરો.

તો તૈયાર બોમ્બે નો સ્વાદિષ્ટ અને પ્રખ્યાત એવો આઈસ હલવો.