કચોરી નું સ્ટફિંગ બનાવવા માટે:
સૌ પ્રથમ તુવેરના દાણાને મિક્સર જારમાં સહેજ દાણાદાર રહે એ રીતે ક્રશ કરી લો.

હવે એક કડાઇમાં તેલનો વઘાર મૂકી તેમાં તેલ ગરમ થાય એટલે હિંગ ઉમેરો. પછી તેમાં લીલા મરચા ની પેસ્ટ અથવા તો સૂકું આદું/સુંઠ ઉમેરી ને વાટેલા તુવેરના દાણા ઉમેરીને તેને બરાબર મિક્સ કરીને વારંવાર હલાવીને ૧૦ થી ૧૨ મિનીટ માટે શેકી લો.

પુરણ ચડી જવા આવે એટલે તેમાં પુરાણ ચડી જવા આવે એટલે તેમાં બાકીની બધી સામગ્રી ઉમેરીને અને બરાબર મિક્સ કરીને બીજી ચારથી પાંચ મિનિટ માટે શેકી લો. ગેસ બંધ કરીને તેમાં ઝીણી સમારેલી કોથમીર અને લીંબુનો રસ ઉમેરીને બરાબર મિક્સ કરી પછી આ મિશ્રણને ઠંડું પડવા દો.

કચોરી બનાવવા માટે:
તૈયાર પુરણ માંથી એકસરખા ગોળા વાળી લો. અને તૈયાર ક લુવા માંથી એક સરખી મધ્યમ જાડી પૂરી વણી લો. આ પૂરીમાં તૈયાર સ્ટફિંગ નો ગોળો મૂકી ને તેને કચોરીનો શેપ આપી દો. કચોરી ચપટી વળતાં ઉપર વધેલા લોટ નો ભાગ કાઢી લેવો અને બાકીના ભાગને તેમાં વ્યવસ્થિત રીતે દબાવીને શેપ આપી દે.

મધ્યમ ધીમા તાપે બહારનું પણ સરસ ક્રિસ્પી થાય અને લાઈટ ગોલ્ડન કલરની કચોરી થાય તે રીતે તળી લેવી.

તો તૈયાર છે ગરમા ગરમ મસાલેદાર ની કચોરી સર્વ કરવા માટે.

તૈયાર કચોરી ને સર્વિંગ ડીશમાં લઈ ને કોથમીર ફુદીના ની તીખી ચટણી અને ખજૂર આમલીની ખાટીમીઠી ચટણી સાથે સર્વ કરો.