સો પ્રથમ મિક્સર જારમાં બેસન, હળદર, ખાંડ, મીઠું નાખી મિક્સર એકવાર ફેરવી મિક્સ કરી લો. હવે પીસેલું મિશ્રણ વાસણ માં કાઢી તેમાં તેલ, લીંબુ અને થોડું થોડું પાણી નાખી ગંઠા ન પડે મિશ્રણ મિક્સ કરતા જઈ બેસનનું મિશ્રણ તૈયાર કરી લો. હવે મિશ્રણને 1/2 કલાક માટે ઢાંકીને રાખો. અડધા કલાક પછી જે કૂકરમાં બાફવા ના હોય તેમાં પાણી નાખી ગરમ કરવા મૂકો. પાણી ગરમ થાય પછી તેમાં એક પ્લેટમાં તેલ લગાડી તૈયાર કરો.

હવે બેસન વાળા મિશ્રણ માં ઇનો નાખી મિક્સ કરો. મિક્સ કયા પછી મિશ્રણ ને ગ્રીસ કરેલી પ્લેટમાં નાખો. હવે આ પ્લેટ ને ગરમ કરવા રાખેલ કૂકરમાં મૂકી ઢાંકણ ઢાંકી ને 15 થી 20 મિનિટ માટે ચડવા દો. હવે ગેસ બંધ કરી ખમણ વાળી પ્લેટને બહાર કાઢી ઠંડી થવા દો. ઠંડા થઈ ગયેલા ખમણ ના કટકા કરી એકબાજુ રાખો.