સૌ પ્રથમ દૂધમાંથી એક વાટકી દૂધ કાઢી લઈ બાકીના દૂધમાં ખાંડ ઉમેરી એક ઉભરો આવે ત્યાં સુધી ગરમ કરો અને અલગ કાઢેલા દૂધમાં કોર્નફ્લોર, કસ્ટર્ડ પાઉડર અને કોકો પાઉડર ઉમેરી whisker થી whisk કરી મિક્સ કરી લો જેથી તેમાં ગઠ્ઠા ન રહે.

હવે ગરમ કરેલ દૂધમાં કોર્નફલોર, કસ્ટર્ડ અને કોકો વાળું મિશ્રણ ઉમેરી ઇલેક્ટ્રિક બીટરથી બીટ કરી લો જેથી એકદમ સરસ મિક્સ થઈ જાય. આ પ્રક્રિયા તમે હાથેથી વ્હીસકર વડે પણ કરી શકો છો.

હવે પાછું દૂધને ગરમ કરવા મૂકી ૭-૮ મિનિટ માટે ઉકાળો અને દૂધને સતત હલાવતા રહો જેથી તે તળિયે ચોંટે નહીં.

હવે દૂધ થોડું જાડું થાય એટલે તેમાં ચોકલેટના કટકા ઉમેરી ફરી ૫ મિનિટ માટે ઉકાળો. હવે તેને બીજા વાસણમાં ગાળી લો અને ઠંડુ થવા દો.

હવે એક સર્વિંગ ગ્લાસમાં બરફના ટુકડા લઈ ગ્લાસની અંદર બાજુ ચોકલેટ સિરપથી કોટ કરો ત્યારબાદ તેમાં કોલ્ડ કોકો ઉમેરી ઉપરથી ડેરી મિલ્ક ચોકલેટ, કાજુના કટકા અને ચોકલેટ ચિપ્સથી ગાર્નિશ કરી એકદમ ચિલ્ડ સર્વ કરો.