સૌ પહેલા બટાકા ની છાલ કાઢી લ્યો પાણી થી ધોઈ નાખો. હવે મિકસર જાર મા શીંગ,તલ,દાળિયા ની દાળ, ટોપરા નુ ખમણ,લાલ મરચું, ધાણાજીરુ, હળદર, મીઠું, ખાંડ, ગરમ મસાલો નાખી ક્રશ કરી લેવુ. હવે તેમા ડુંગળી-ટામેટાં, આદુ-મરચા, લસણ, લીંબુનો રસ નાખી પેસ્ટ બનાવી લો.

હવે બટાકા ને વચ્ચે થી કાપી બન્ને બાજુ તેમા તૈયાર કરેલ પેસ્ટ ભરવી.

હવે એક કુકરમાં તેલ સરખુ નાખી તેમા રાઈ-જીરુ, હિંગ, સુકુ લાલ મરચું ઉમેરી બટાકા નાખી બરોબર હલાવવું સાથે તેમા બાકીની પેસ્ટ નાખી બરોબર હલાવવું જરુર મુજબ પાણી ઉમેરી હલાવી બે મિનીટ ધીમાં તાપે રાખી પછી બે થી ત્રણ સીટો વગાડી લ્યો.

કુકર ઠંડુ થાય એટલે એક બાઉલ માં કાઢી ઉપર થી કોથમીર થી ગાર્નીશીંગ કરવુ ગરમાગરમ.