પૌઆ ને થોડીવાર પલાળી ને કાણાવાળી ચારણી માં કાઢી કોરા કરવા. પછી પૌઆ માં મીઠું, હળદર અને ખાંડ નાખી ને હળવા હાથે મિક્સ કરવું.

તપેલા માં પાણી ગરમ કરી તેની પર પૌઆ ની ચારણી મૂકી ૧૦ મિનિટ વરાળે બાફી લેવા. પેન માં તેલ ગરમ કરી શીંગદાણા તળી લેવા.

પેન માં તેલ ગરમ કરી રાઈ, જીરું અને હિંગ નો વઘાર કરી ડુંગળી નાખી ને સાંતળવી.ડુંગળી થોડી સંતળાય પછી તેમાં લીલા મરચા, લીમડા ના પાન, મીઠું,હળદર અને વરિયાળી નાખી મિક્સ કરવું.

ત્યારબાદ પૌઆ નાખી ને મિક્સ કરી ઢાંકણ ઢાંકી ને ગેસ બંધ કરવો.એક બાઉલ માં મરી પાઉડર, લાલ મરચું પાઉડર, ચાટ મસાલો અને જીરું પાઉડર લઈ મિક્સ કરી મસાલો રેડી કરવો.

સર્વિંગ ડીશ માં પૌઆ લઈ તેની પર બનાવેલ મસાલો છાંટી ઉપર થી ડુંગળી ટામેટું, કોથમીર,શીંગદાણા નાખવા.ત્યારબાદ દાડમ ના દાણા નાખી તેની પર ફરી થી મસાલો છાંટવો. પછી મિક્સ ચવાણું નાખી ને સર્વ કરવું.