ચણાની દાળ, મગની દાળ, તુવેરની દાળ, અડદની દાળ અને મસૂરની દાળને ચોખ્ખા પાણીથી ધોઇને તેને એક કલાક માટે પલાળી ને થોડી હળદર ભેળવીને કુકરમાં બાફવાની છે.

એક કડાઈમાં તેલ ગરમ કરી તેમા જીરુ, હિંગ, સુકા લાલ મરચાં સાતળવાના છે. ત્યારબાદ તેમાં લીમડો અને આદુ મરચાની પેસ્ટ ઉમેરવાની છે.

હવે તેમાં ડુંગળી અને લસણ ઉમેરી આછુ ગુલાબી થાય ત્યાં સુધી સાતળવાનું છે. ત્યારબાદ તેમાં સમારેલા ટામેટા ઉમેરી એક મિનીટ માટે કુક થવા દેવાનું છે.

હવે તેમાં લાલ મરચું પાઉડર, ધાણાજીરું, હળદર અને મીઠું સ્વાદ અનુસાર ઉમેરવાનું છે. કસૂરી મેથી ઉમેરી બરાબર રીતે મિક્સ કરી લેવાનું છે.

બાફીને તૈયાર કરેલી દાળને થોડી મેશ કરી આ ગ્રેવીમાં ઉમેરવાની છે અને બધું બરાબર રીતે મિક્સ કરી એક મિનિટ માટે કુક કરવાનું છે. દાળ જેટલી પાતળી જોઈતી હોય તે પ્રમાણે તેમાં થોડું પાણી ઉમેરવાનું છે.

પાણી ઉમેર્યા બાદ તેને પાંચ મિનિટ માટે ઉકાડવાની છે અને ત્યારબાદ તેમાં થોડો ગરમ મસાલો અને કોથમીર ઉમેરવાના છે.