સૌ પ્રથમ બધી જ દાળ સાફ કરી એક બાઉલમાં ૨ થી ૩ પાણીમાં ધોઈને જરૂર મુજબ પાણી, અડધી ચમચી મીઠું અને હળદર ઉમેરી મિક્સ કરીને કૂકરમાં બાફી લો.

ઠંડી થાય પછી થોડું પાણી ઉમેરીને મિક્સ કરી લો.

ત્યારબાદ હળદર, ધાણાજીરૂ પાઉડર, ગરમ મસાલો, લાલમરચું પાવડર અને મીઠું ઉમેરી મિક્સ કરીને મસાલામાંથી તેલ છુંટું પડે ત્યાંસુધી સાંતળો. પછી તેમાં દાળનું મિશ્રણ ઉમેરી મિક્સ કરીને ૭-૧૦ મિનીટ સુધી ઉકળવા દો. કસૂરી મેથી અને કોથમીર ઉમેરી મિક્સ કરીને ૫ મિનીટ ઉકાળી ગેસની ફ્લેમ બંધ કરી દો.

પછી, વઘારીયામાં ૧ ચમચી તેલ અને ૨ ચમચી બટર ગરમ કરી તેમાં લાલ સુકા મરચાં, તમાલપત્ર, સમારેલું લસણ, જીરું ઉમેરો. લસણ સોનેરી રંગનું થાય પછી ગેસ બંધ કરી તેમાં ચપટી હીંગ અને લાલમરચું પાઉડર ઉમેરી મિક્સ કરી લો.

હવે, આ વઘારને તરત જ પંચમેલ દાળ પર નાંખી ૨ મિનિટ માટે દાળને ઢાંકી દો. જેથી વઘારનો સ્વાદ પંચમેલ દાળમાં એકરસ થઈ જાય. પંચમેલ દાળ તડકા સર્વ કરવા માટે તૈયાર છે.