એક પેનમાં ઘી ગરમ થાય એટલે તેમાં વર્મીસેલી ઉમેરવી. વર્મીસેલી ને હલકા ગુલાબી રંગની શેકવી. હવે તેમાં કાજુ, બદામ અને દ્રાક્ષ ઉમેરીને એક મિનીટ માટે શેકવું. ગેસ બંધ કરીને આ બધી વસ્તુને એક વાસણમાં કાઢી લેવી.

એક જાડા તળિયાવાળા વાસણમાં દૂધ ઉમેરવું. એક ઉભરો આવે એટલે તેને ગેસ ધીમો કરીને 8 થી 10 મિનિટ માટે ગરમ થવા દેવું. હવે તેમાં વર્મીસેલી અને ડ્રાયફ્રૂટ ઉમેરવા. જ્યારે વર્મીસેલી બરાબર ચડી જાય ત્યારે તેમાં ખાંડ ઉમેરીને 5 મિનીટ માટે પકાવવું. ખાંડનું પ્રમાણ પસંદગી પ્રમાણે વધારે કે ઓછું રાખી શકાય. વચ્ચે-વચ્ચે હલાવતા રહેવું જેથી કરીને દૂધ તળિયે ચોંટી ના જાય.

હવે તેમાં કેસર અને ઈલાયચી પાવડર ઉમેરીને ગેસ બંધ કરી દેવો. સેમિયા પાયસમ ઠંડુ થવા થી થોડું જાડું થાય છે તો એ રીતે પકાવવું. વધારે જાડું પસંદ હોય તો થોડી વધારે વર્મીસેલી ઉમેરી શકાય. રેફ્રિજરેટરમાં ઠંડું કરવા માટે મૂકવું.

પાયસમ ને બદામની કતરણ અને સૂકા ગુલાબની પાંદડીઓ વડે સજાવવું. પાયસમ પસંદગી પ્રમાણે ઠંડુ અથવા હૂંફાળું સર્વ કરી શકાય.