વરિયાળી અને ઈલાયચીને પાણીથી ધોઈને બે થી ત્રણ કલાક માટે પલાળીને રાખવાના છે.

તકમરીયાને પણ પાણીથી ધોઈને બે થી ત્રણ કલાક માટે પાણીમાં પલાળી રાખવાના છે જેથી તે સરસ રીતે ફુલી જાય.

પલાળેલી વરિયાળી અને ઈલાયચીને પાણીમાંથી કાઢીને મિક્સરની જારમાં સરસ રીતે પીસી લેવાની છે.

હવે તેમાં ફુદીનાના પાન, સ્વાદ અનુસાર મીઠું, સંચળ, મરી પાવડર અને શેકેલ જીરાનો પાઉડર ઉમેરવાનો છે.

થોડું પાણી ઉમેરી ફરીથી બધું ગ્રાઇન્ડ કરી લેવાનું છે અને તેને ગરણી વડે ગાળી લેવાનું છે.

લીંબુનો રસ અને સાકર ઉમેરી બ્લેન્ડર વડે બધું મિક્સ કરી લેવાનું છે.

હવે તેમાં આઇસ ક્યુબ અને પાણી ઉમેરી શરબત તૈયાર કરવાનું છે.

સર્વ કરતી વખતે ગ્લાસમાં પહેલા થોડા પલાળીને તૈયાર કરેલા તકમરીયા તેના પર સમારેલા પુદીનાના પાન અને તેના પર તૈયાર કરેલું સરબત ઉમેરી સર્વ કરી શકાય.