બટેટીને ચોખ્ખા પાણી થી ધોઈ કૂકરમાં બાફી તેની છાલ ઉતારી લેવાની છે.

એક મિક્સર જારમાં તજ, લવિંગ, મરી, સુકું લાલ મરચું અને તમાલપત્ર ઉમેરી તેમાં સફેદ તલ અને સિંગદાણા ઉમેરી તેને ગ્રાઇન્ડ કરી લેવાના છે.

ડુંગળી અને લસણને મિક્સર જારમાં લઈ તેની પેસ્ટ બનાવવાની છે.

એક કડાઈમાં તેલ ગરમ કરી તેમાં રાઈ, જીરું અને હીંગ ઉમેરવાના છે.

ત્યારબાદ તેમાં તૈયાર કરેલી લસણ અને ડુંગળીની પેસ્ટ ઉમેરવાની છે અને બરાબર રીતે સાતળવાની છે.

હવે તેમાં તૈયાર કરેલી ટમેટાની પ્યુરી ઉમેરવાની છે અને બધું બરાબર રીતે મિક્સ કરી ૨ થી ૩ મિનિટ માટે કુક થવા દેવાનું છે.

તૈયાર કરેલો સિંગદાણા અને તલનો પાવડર, બધા મસાલા અને સ્વાદ અનુસાર મીઠું ઉમેરવાનું છે.

હવે તેમાં બાફીને તૈયાર કરેલી બટેટી ઉમેરી બધું બરાબર રીતે મિક્સ કરી ૨ થી ૩ મિનિટ માટે કુક થવા દેવાનું છે.

કસૂરી મેથી ઉમેરી બરાબર રીતે મિક્સ કરીએ એટલે આપણુ આખી બટેટીનું શાક તૈયાર થઈ જશે.