સૌપ્રથમ એક ત્રાસમાં બંને લોટ ચાળી ને મિક્સ કરી લો.હવે તેમાં મીઠું,ખાંડ, આદુ મરચાં ની પેસ્ટ,તલ, તેલ અને દહીં નાખી ને બરાબર મિક્સ કરો.જરૂર મુજબ પાણી નાખીને ચકરી નો લોટ બાંધી લો. લોટને ઢાંકી ૧૦ મિનિટ રેસ્ટ આપો.

૧૦ મિનિટ પછી લોટ ને સરખી રીતે મસળી લેવો અને તેમાંથી લુવા કરવાં. પછી સંચામાં તેલ વાળો બ્રશ લગાડી લૂવો મૂકી બટર પેપર પર બધી ચકરી પાડી ને તૈયાર કરી લો.

હવે કડાઈમાં તેલ ગરમ કરવા મૂકો. તેલ સરખું ગરમ થઈ જાય પછી ગેસ ધીમો કરી દેવો અને ઝારાની મદદથી ચકરી ને ધીમે થી તેલમાં નાખી ને ગોલ્ડન બ્રાઉન થાય ત્યાં સુધી તળી લેવી.

બધી ચકરી તળાઈ જાય અને ઠંડી થાય એટલે ડબામાં ભરી દેવી. મહેમાન આવે કેખાવાની મજા આવે તેવી ક્રીસ્પી અને ટેસ્ટી ચકરી તૈયાર છે. આ ચકરી બાળકો નાં લંચબોક્સ માં પણ આપી શકાય.