ટામેટાને ધોઈને એના મોટા ટુકડા કરી લેવા. હવે ટામેટા, કાજુ, મગજતરી, એક તમાલપત્ર, તજનો ટુકડો, લવિંગ અને ઈલાયચી અડધા કપ પાણીની સાથે પ્રેશર કુકરમાં ઉમેરીને ચાર વ્હિસલ સુધી બાફી લેવું. કુકરને એની જાતે ઠંડુ થવા દેવું.

હવે એમાંથી આખા મસાલા કાઢી લેવા. હવે એ મિશ્રણને મિક્સર જારમાં ઉમેરીને મુલાયમ પેસ્ટ બનાવી લેવી.

હવે ગ્રેવીને સૂપની ગરણીથી ગાળી લેવી.

એક પેનમાં તેલ અને બટર ઉમેરવું. ગરમ થાય એટલે તેમાં એક તમાલપત્ર ઉમેરવું. હવે તેમાં આદુ લસણની પેસ્ટ ઉમેરીને લસણ હલકા ગુલાબી રંગનું થાય ત્યાં સુધી સાતળવું. હવે તેમાં કાશ્મીરી લાલ મરચું ઉમેરીને બરાબર હલાવી લેવું. તૈયાર કરેલી ગ્રેવી ઉમેરવી.

હવે તેમાં ધાણાજીરું, ગરમ મસાલો, કસુરી મેથી, ખાંડ અને મીઠું ઉમેરીને મીડીયમ તાપ પર 8 થી 10 મિનિટ માટે પકાવવું. ગ્રેવીને પસંદગી પ્રમાણે જાડી કે પાતળી રાખી શકાય, એ માટે જરૂર મુજબનું પાણી ઉમેરવું. હવે તેમાં ફ્રેશ ક્રીમ ઉમેરવું.