સૌપ્રથમ ભીંડાને ધોઈને કપડાથી લૂછી લેવા અને કટકા કરી લેવા ત્યારબાદ કડાઈમાં તેલ ગરમ કરવા મૂકી ગરમ થાય એટલે હિંગ, રાયજીરૂ નો વઘાર કરી સમારેલા ભીંડા નાખવા ચમચાથી બરાબર હલાવી ધીમા તાપે ચડવા દેવું.

દાળ અને ચોખાને સારી રીતે ધોઈ લેવા અને એક કુકરમાં દાળ અને પાણી નાખવું. તપેલીમાં ચોખા, પાણી, મીઠું, જીરું અને ઘી નાખી બરાબર મિક્સ કરી તપેલી કુકરમાં મૂકી ત્રણ સીટી વગાડી દાળ બાફી લેવી અને ભાત તૈયાર કરી લેવા.

હવે એક પેનમાં તેલ મૂકી ગરમ થાય એટલે રાઈ-જીરું હિંગ મીઠા લીમડાના પાનનો વઘાર કરી ટામેટાં અને સમારેલા મરચા સાંતળવા. ટામેટાં સોફ્ટ થાય એટલે મસાલા નાખી બે મિનિટ શેકી બાફેલી દાળ નાખવી અને જરૂર મુજબ પાણી નાખી મિક્સ કરી દેવું.દાળ ઉકળે એટલે ગેસ ધીમો કરી 10 મિનિટ ઉકળવા દેવી ત્યારબાદ ગેસ બંધ કરી દેવો.