સૌપ્રથમ ભાત બનાવવા માટે એક તપેલીમાં પાણી ગરમ કરવા મૂકો હવે ઉકળવા દો પછી તેમાં મીઠું અને ભાત ધોઈને નાખી બાફી લો.બફાઈ જાય પછી તેને ચાળણીમાં કાઢીને ની નાખી બરાબર મિક્સ કરો.ભાત તૈયાર છે.

ગુજરાતી ખાટી મીઠી દાળ બનાવવા માટે એક કૂકરમાં દાળ ટામેટું નાખી બાફી લો હવે તેને વલોવી લો.તપેલી માં કાઢી ઉકળવા દો.તેમા ઉપર જણાવેલ બધા સુકાં મસાલા ઉમેરો.શીગદાણા અને ગોળ નાખો અને ૧૦ મિનિટ સુધી ઉકળવા દો.વઘાર માટે તેલ ગરમ કરો તેમાં રાઈ જીરું અને હિંગ નાખી લીમડાના પાન આખુ લાલ મરચું નાખી તતડે એટલે દાળ માં રેડી દો.ઉપર થી લીલા ધાણા નાખી ગેસ બંધ કરી લો.

દાળ તૈયાર છે.ચોળા ને ધોઈ લો અને ૫-૬ કલાક સુધી પલાળી રાખો.પછી કૂકરમાં પાણી મીઠું અને હળદર નાખીને ૫-૬ સીટી વગાડી બાફી લો.

ભીંડા નું શાક બનાવવા માટે પહેલા તેને બરાબર ધોઈ ને કોરા કરી લો.કાપી લો.હવે એક પેનમાં તેલ ગરમ કરો તેમાં રાઈ જીરું અને હિંગ નાખી ભીંડા નાખી આદુ મરચાં અને લસણ ની પેસ્ટ ઉમેરવી અને બરાબર મિક્સ કરો અને ચડવા દો.ભીડા ની દાળ બળી જાય પછી તેમાં બધા સુકાં મસાલા અને ગરમ મસાલો, આમચૂર પાઉડર નાખી બરાબર મિક્સ કરો અને ૫-૬ મિનિટ સુધી સાંતળો.

આપણું ભીંડા નું શાક તૈયાર છે.હવે ચોળા નું રસવાળુ શાક માટે એક કડાઈમાં તેલ ગરમ કરો.ડુગળી અને ટામેટા કાપી લો.તેલ ગરમ થાય એટલે તેમાં રાઈ જીરું અને હિંગ નાખી તતડે એટલે લીમડાના પાન અને કાપેલા ટામેટા ડુંગળી નાખી બરાબર મિક્સ કરો.મીઠુ નાખી ૩-૪ મિનિટ સુધી સાંતળો.

સંતળાઈ જાય પછી તેમાં બધા સુકાં મસાલા, ખાંડ, ગરમ મસાલો નાખી બરાબર મિક્સ કરો.તેલ છુટું પડે એટલે તેમાં બાફેલા ચોળા નાખી બરાબર હલાવી લો.લીબુનો રસ નાખીને ૫-૬ મિનિટ સુધી ચડવા દો.ઉપર થી લીલા ધાણા નાખી ગેસ બંધ કરી લો.

હવે રોટલી માટે લોટ બાંધી લો.રોટલી વણી શેકી લો.ઘી ચોપડી લો.

શ્રીખંડ બનાવવા માટે એક બાઉલમાં દહીં લો.ઘટ્ટ દહીં લેવું.૪-૫ કલાક મલમલ ના કપડા માં બાંધી પાણી નીતારી લેવું.તેમા થયેલી ખાંડ નાખી હલાવી લો.મિક. ડ્રાઇફ્રુટ અને મનપસંદ ફ્રુટ નાખી એલચી પાઉડર નાખી બરાબર મિક્સ કરો અને ૩૦ મિનિટ સુધી ફ્રીજ માં મૂકી દો.પછી જ ઉપયોગ માં લેવું.સલાડ, પાપડ, કેરી નો રસ તૈયાર કરી લો.કાચી કેરી નું અથાણું બનાવી લો.

તો તૈયાર છે આપણી ગુજરાતી લંચ થાળી.... ગુજરાતી ખાવાનો આનંદ માણો.