સૌ પ્રથમ બંને લોટ ને ચાળી લો.તેમાં ગરમ ઘી નું મોણ ઉમેરી મિક્સ કરી લેવું.મોણ મુઠ્ઠી પડતું ઉમેરવું. ગરમ પાણી થી કઠણ લોટ બાંધી લેવો.તેમાંથી આંગળી થી દબાવી મુઠીયા વાળી લો.

હવે તેલ ને ગરમ કરી તેમાં મધ્યમ આંચ પર મુઠીયા ગોલ્ડન થાય ત્યાં સુધી તળી લો.ગરમ મુઠીયા ને કટકા કરી ઠંડા થવા દેવા.

ત્યારબાદ મુઠીયા ના કટકા માં ઇલાયચી,જાયફળ અને જાવીંત્રી ઉમેરી બધું મિક્સર માં કરકરુ પીસી ને ચાળી લેવું.તૈયાર થયેલા ચુરમા માં ડ્રાયફ્રુટ ઉમેરી દો.

હવે કડાઈ માં ઘી ગરમ કરી ગોળ ઉમેરી દેવો.ગોળ ઓગળી ને એકરસ થાય એટલો જ ગરમ કરવાનો છે (પાઈ કરવાની નથી)

ગરમ કરેલા ઘી,ગોળ ને ચુરમા માં ઉમેરી ને મિક્સ કરી લેવું.અને મનપસંદ સાઈઝ ના લાડુ વાળી લેવા.લાડુ પર ખસખસ લગાડી દેવી.

ભોગ કે પ્રસાદ માટે ચુરમા ના લાડુ તૈયાર છે.