સૌપ્રથમ એક નોનસ્ટિક પેનમાં ઘી ગરમ કરી તેમાં છીણેલી દૂધી નાંખી અને દુધીનું પાણી બળી જાય ત્યાં સુધી સાંતળી લો. હવે તેમાં ગરમ દૂધ નાખો. અને ગેસની મીડીયમ ફ્લેમ ઉપર સતત હલાવતા રહો. જ્યારે ચોથો ભાગ રહે ત્યારે તેમાં મિલ્ક પાઉડર નાખો. મિક્સ કરો. ગેસની ફ્લેમ લો કરો. હવે તેમાં ફૂડ કલર નાખો મિક્સ કરી સતત હલાવતા રહો. હવે તેમાં ખાંડ એડ કરો, મિક્સ કરો. છેલ્લે કાજુ બદામ નો ભૂકો નાખી મિક્સ કરો.

હવે આ મિશ્રણ એકદમ લચકાદાર તૈયાર થાય એટલે હથેળીમાં લઈ ગોળો વાળો. સહેલાઈથી તેને ગોળ શેઈપ આપી શકાય તો મિશ્રણ તૈયાર છે. તૈયાર થયેલ હલવાનું મિશ્રણ એક પ્લેટમાં કાઢી ઠંડું પડવા દો. હવે તેને મસળી લેવું. એક કટોરીમાં પાછળની સાઈડે ઘી લગાવી દેવું. આ મિશ્રણને ફોટામાં બતાવ્યા પ્રમાણે હથેળીમાં શેઈપ આપી એની ઉપર કટોરી મૂકી અને કટોરી જેવો શેઈપ આપી દો. એક કલાક માટે ફ્રિજમાં મૂકી દો. ત્યારબાદ હલવા કટોરીને કટોરીથી અલગ કરો.

હવે ફરીથી નોનસ્ટીક પેનમાં ઘી ગરમ કરી છીણેલું ગાજર નાખો. સાંતળી લો અને પછી તેમાં ગરમ દૂધ નાખો. લચકાદાર મિશ્રણ તૈયાર થાય એટલે તેમાં ખાંડ નાખો. થોડું મિશ્રણ હથેળીમાં લઈ અને ગોળ શેઈપ આપો. તેને ગોળ શેપ અપાય તો તૈયાર છે. ઈલાયચી પાઉડર નાખી મિક્સ કરી પ્લેટમાં મિશ્રણ ઠંડુ કરો. તેના નાના લાડુ વાળી લેવા. સિલ્વર અને ગોલ્ડન ટાઈની બોલ્સથી મનપસંદ સજાવટ કરવી.દુધીના હલવાની કટોરીમાં આ લાડુ ગોઠવી દો. મજા માણો કેરટ બોલ્સ ઇન હલવા કટોરી !!