સૌપ્રથમ એક કડાઈમાં તેલ અને બટર મૂકી ગરમ થાય એટલે જીરું તતડાવી ખડા મસાલા નાખવા. ત્યારબાદ આદુ-લસણ- મરચાની પેસ્ટ સાંતળવી. પછી ડુંગળીની પેસ્ટ ઉમેરી ગુલાબી રંગની સાંતળવી.

હવે તેમાં ટમેટાની પ્યુરી અને કાજુ મગજતરીના બી ની પેસ્ટ નાખી તેલ છૂટે ત્યાં સુધી પકાવવી. ત્યારબાદ તેમાં મીઠું, મરચું, હળદર, ધાણાજીરું પાઉડર, ગરમ મસાલો નાખી તેલ છૂટે ત્યાં સુધી મસાલા શેકવા.

હવે તેમાં બાફેલા વટાણા અને પનીર ઉમેરી જરૂર મુજબ પાણી નાખી પાંચ મિનિટ થવા દેવું. થોડું ઘટ્ટ થાય અને તેલ છૂટે એટલે બટર નાખવું.

હવે તેમાં ખાંડ અને હાથથી મસળી કસૂરી મેથી નાખવી. બે મિનિટ બાદ ગેસ બંધ કરી દેવો. કોથમીર છાંટી સર્વિંગ પ્લેટમાં કાઢી સર્વ કરવું. મેં અહીં આલુ મટર સબ્જીને પીરસ્યું છે.