સૌપ્રથમ ચોખાને સારી રીતે ધોઈ જરૂર મુજબ પાણી, મીઠું અને ઘી નાખી છુટ્ટા ભાત 80% જેટલા કુક કરી લેવા. શાકભાજી સમારીને તૈયાર રાખવા.

હવે બધા જ સમારેલ વેજીટેબલ્સમાં જાડુ દહીં મીઠું અને મરચું નાખી મેરીનેટ કરી લેવા અને ઢાકીને દસ મિનિટ રાખવા.

પનીરને ગોલ્ડન કલરનું તળી લેવું. હવે કઢાઈમાં ઘી અને બટર લઈ ગરમ થાય એટલે તજ, ઇલાયચી, લવિંગ અને તમાલપત્ર નાખવા.

ત્યારબાદ લાંબી સમારેલી ડુંગળી સાતડવી. ત્યારબાદ ટમેટું નાખી સોફ્ટ થાય ત્યાં સુધી કુક કરી મેરીનેટ કરેલા શાકભાજી ઉમેરવા અને થોડા થોડા પકાવવા.

ત્યારબાદ તેમાં કાજુના ટુકડા નાખી મીઠું, મરચું, હળદર, ધાણાજીરૂ પાઉડર અને બિરયાની મસાલો નાખી બરાબર બધું મિક્સ કરવું. મસાલો શેકાઈ જાય એટલે તળેલું પનીર નાખવું.

હવે કેસરવાળું દૂધ ઉમેરી બરાબર મિક્સ કરી ગેસ બંધ કરી દેવો અને માટીની હાંડી હોય તો તેમાં પહેલા બનાવેલા ભાતનું લેયર કરવું. તેની ઉપર વેજીટેબલ નું લેયર કરવું.

તેના પર ફરી ભાત અને વેજીટેબલ્સ અને ફરી ભાતનું આ રીતે લેયર કરવુ.

હવે કોથમીર છાંટી ઢાંકણ ઢાંકી ગેસ પર તવી મૂકી તેના પર હાંડી મૂકી ફ્લેમ ધીમી રાખી પાંચથી દસ મિનિટ થવા દેવું એટલે સરસ મજાની સુગંધ આવવા લાગશે. ત્યારબાદ ગેસ બંધ કરી સર્વિંગ પ્લેટમાં કાઢવું.

ડુંગળી ની રીંગ થી ગાર્નીશ કરી ગરમ ગરમ સ્વાદિષ્ટ અવધી બિરયાની ને સર્વ કરો અને મજા માણો.