સૌપ્રથમ બાસમતી ચોખા ને બે થી ત્રણ પાણીથી ધોઈ અને 1/2કલાક માટે પલાળી દેવા. ત્યારબાદ માટીના પોટ માં પાણી ગરમ કરવા મૂકવું. તેમાં એક ટીસ્પૂન તેલ તજ લવિંગ ઇલાયચી મરીના દાણા અને એક બાદિયાનું ફૂલ નાખી પાણી ઢાંકીને ઉકાળવા દેવુ.

પાણી ઉકળી જાય એટલે તેમાં ભાત ઓરી દેવા થોડા ચડવા આવે એટલે તેમાં 1 ચમચીમીઠું નાખી દેવું.

ભાતને 80% જેટલા કુક કરવા ત્યારબાદ ચારણીમાં કાઢી ઉપર ઠંડું પાણી નાખી ભાતને ઠંડા થવા દેવા.

ઉપર બતાવેલા મિક્સ વેજીટેબલ સમારી અને તૈયાર કરી ધોઈ અને ચારણીમાં કાઢી પાણી નીતારી લેવુ.એક તપેલીમાં પાણી ગરમ કરવા મૂકવું તેમાં 1/2ટીસ્પૂન મીઠું નાખી શાકભાજીને પણ 80% જેટલા કુક કરી લેવા.

માટીના પોટમાં 2 ચમચી ઘી 2 ચમચી તેલ ગરમ કરવા મૂકી ગરમ થાય એટલે તેમાં જીરૂ હિંગ સૂકા લાલ મરચા નાખી દેવા.

હવે તેમાં સ્લાઈસમાં કટ કરેલી ડુંગળી નાખી દેવી તમાલપત્ર નાખવું.

ત્યારબાદ તેમા ચોપ કરેલા લસણ આદુ મરચાં નાખવા સાથે કાજુ પણ નાખી દેવા અને એક બે મિનિટ માટે સાંતળવું.

ત્યારબાદ તેમાં કેપ્સીકમ નાખી બે થી ત્રણ મિનિટ માટે સાંતળવું હવે તેમાં હળદર લાલ મરચું પાઉડર ધાણાજીરું ગરમ મસાલો મીઠું નાખી મિક્સ કરી લેવું.

ત્યારબાદ તેમાં ઝીણા સમારેલા ટામેટાં નાખી પાંચથી સાત મિનિટ માટે કુક થવા દેવું એટલે ટામેટાં સોફ્ટ થઈ જશે હવે તેમાં એક કપ દહીં નાખી મિક્સ કરી લેવું.

પછી તેમાં મિક્સ બોઇલ વેજીટેબલ નાખી ઢાંકણ ઢાંકી પાંચથી સાત મિનિટ સુધી થવા દેવા ત્યારબાદ તેમાં તૈયાર કરેલા ભાત નાખી હળવા હાથે મિક્સ કરી લેવું ફરી ઢાંકણ ઢાંકી પાંચ મિનિટ માટે ધીમા તાપે રહેવા દેવું.

છેલ્લે તેમાં દૂધમાં પલાળેલું કેસર નાખી મિક્સ કરી લેવુ. બિરયાની હોય એટલે સ્મોકી ફ્લેવર તો હોય જ. તો ગેસની ફ્લેમ ઉપર એક કોલસો ગરમ કરી લેવો.

રાઇસના પોટમાં એલ્યુમિનિયમની ફોઈલ રાખી ઉપર ગરમ કરેલો કોલસો મૂકી 1 ચમચીઘી નાખી તરત જ ઢાંકી દેવું.

દસ મિનિટ સુધી એમ જ રહેવા દેવું એટલે બિરયાની માં સ્મોકી ફ્લેવર આવી જશે.

વઘારીયામાં 1 ચમચીજેટલું ઘી ગરમ કરવા મૂકી ગરમ થાય ત્યારબાદ તેમાં આઠથી દસ નંગ કાજુ અને બે સૂકા લાલ મરચા નાખી થોડા સાંતળી લેવા.

કાજુને એક બાઉલમાં કાઢી લેવા મરચાંને વઘારીયામાં જ રહેવા દેવા.

હવે બિરયાની ને સર્વ કરવાનો ટાઈમ થઈ ગયો છે.માટીનું પોટ લઈ પોટમાં બિરયાની ભરી તૈયાર કરી લેવી.

ઉપર સમારેલી કોથમીર નાખી દેવી. ત્યારબાદ સાંતળેલા સૂકા મરચાં પણ ગોઠવી દેવા.

તેની ઉપર સાંતળેલા કાજુ ગોઠવી બિરયાની ને ગાર્નિશ કરવી.

ફરી ઉપર થોડું કેસરવાળું દૂધ નાખવું.

તો તૈયાર છે
અવધી લખનવી નવાબી વેજ તેહરી

ઉપર થોડી ઓનિયન રિંગ થી ગાર્નીશ કરી બિરયાની સર્વ કરવી.
મેં બિરયાની સાથે ગાજર કાકડીનું રાઇતું સર્વ કર્યું છે.